Цудоўна ласка

Amazing Grace

Аўтар: John Newton
Т. бел.: Д. Ясько (зб. "Гімны хрысьціян")

1.Цудоўна ласка, дар дароў!

Яе паслаў нам Бог,

Каб грэшніка вяла дамоў,

Дала сьляпому зрок.

 

2.Зусім зьмяніла думак бег

І мроі ўсе мае.

Я сумаваў, чыніў я грэх –

Цяпер душа пяе. 

 

3.Праз небясьпекі, гора й страх

Праходзіў я ў жыцьці.

Мне ласка асьвятляла шлях,

Давала сіл ісьці.

 

4.Іду адважна за Хрыстом.

Спакойны, пэўны я,

Што ласка будзе мне шчытом

Аж да канца жыцьця.

 

5.Калі ж замоўкне сэрца стук,

Сьмяротны прыйдзе сон,

У край, дзе больш няма разлук,

Мяне пакліча Ён.

 

6.У вечнасьці сто тысяч год

Мінуцца, як бы цень,

А Бога славіць будзем так,

Як у найпершы дзень.