1 КУПЛЕТ:

У часіны смутку страху, хваляваньня,

Калі сьвятла ня бачыш прад сабой.

Душа баліць, ірвецца ў чаканьні,

Тады, Гасподзь, пабыць хачу з Табой.

ПРЫСЬПЕЎ:

Шчасьлівы я, што я з Хрыстом сябрую,

Шчасьлівы я, што Ён заўжды са мной.

Я ім жыву, аб гэтым не шкадую.

Шчасьлівы я, са мною Сябар мой.

2 КУПЛЕТ:

Дзівосны вобраз, скораны, лагодны,

Хрыстос Гасподзь, жыві ўва мне заўжды,

Каб мне прайсьці жыцьцёвы шлях свой годна,

І не упасьці пад крыжом цяжкім.

3 КУПЛЕТ:

У часы цяжкія голасна смуткую,

Здаецца,  што пакінуў Бог мяне.

Ды словы зноў душа мая пачуе:

“Я не пакінуў, Я люблю цябе.”