Натальля Арсеньнева напісала «Малітву» у Менску падчас Другой сусьветнай вайны. Пасьля, у 1944 годзе, яна выехала ў эміграцыю. Была вядомай культурнай дзяячкай сярод беларускай дыяспары. А гімн распаўсюджваўся там, дзе былі беларусы. Набажэнсты ў беларускіх цэрквах Амэрыкі, Англіі, Аўстраліі дагэтуль скончваюцца выкананьнем «Магутны Божа». Таксама ён вядомы як духоўны гімн і сярод цэркваў і касьцёлаў Беларусі. У 1995 годзе быў абраны адзіным кандыдатам на дзяржаўны гімн камісіяй, якую ўзначальваў Народны паэт Ніл Гілевіч.

Жыцьцё самой аўтаркі мае цікавы эпізод, які нагадвае нам пра стойкасьць беларусаў і беларусак. У 1939 бальшавікі затрымалі яе мужа. Натальля пехатою з Вільні ішла да лягера, дзе ён утрымліваўся, і па дарозе была затрыманыя супрацоўнікамі НКУС. Пасьля 5 сутак арышту яе адпусьцілі. Праз год у маскоўскай Лубянцы яе прымушалі падпісаць развод са сваім мужам, «палітычным вязьням», але яна не згадзілася.