Сьпеў быў напісаны у 1974 годзе жыхаркай штату Індыяна Ліндай Стассэн. Мэлёдыя прыйшла ёй у галаву, калі жанчына прымала душ.

Sing Hallelujah to the Lord быў запісаны царкоўным гуртом The Maranatha Singers у 1976 годзе. Ён стаў вельмі папулярным ня толькі ў Злучаных штатах, але і ва ўсім сьвеце для Пасхальных служэньняў. Быў перакладзены на шматлікія мовы, ў тым ліку і на беларускую.

А ў 2019 годзе гэты сьпеў стаў гімнам мільённых акцыяў пратэсту ў Ганконгу. Апошнія былі зьвязаныя з распрацоўкай новым урадам законапраекту, які ў будычым мог дазволіць ураду Кітая ўмешвацца ва ўнутраныя справы гэтага аўтаномнага раёну.

Хрысьціянскія супольнасьці ад пачатку падтрымлівалі пратэстоўцаў, і менавіта таму ў шэрагах апошніх увесь час гучалі хрысьціянскія сьпевы.

Але сапраўдным гімнам як для хрысьціянаў, так і нехрысьціянаў стаў “Алелюя! Госпаду сьпявай”.