Bethel Music
Бо нябачнае Яго, і вечная моц Яго, і Боскасьць ад стварэньня сьвету відочныя праз разважаньне пра творы [Ягоныя], каб быць ім без апраўданьня
Любы чалавек, які пачынае пісаць сваю музыку рана ці позна сутыкаецца з пытаньнямі: як жа зрабіць якасны запіс трэка, дзе знайсьці студыю гуказапісу, як распаўсюдзіць новы музычны альбом?
Для гэтых мэтаў у царкве «Бэтэль» гораду Рэдынг, штат Каліфорнія было створана служэньне Bethel Music, якое ўжо на працягу 10 гадоў спрыяе і кіруе працэсам запісу і распаўсюду сьпеваў праслаўленьня.
Bethel Music адначасова зьяўляецца і музычным лэйблам, што адкрывае шырокія магчымасьці для таленавітых музыкаў, якія прагнуць праслаўляць Госпада сваім талентам.
Само служэньне Bethel Music ставіць сабе за мэту пашырэньне хрысьціянскай культуры ва ўсім сьвеце праз музыку. Разам з гэтым Bethel Music намагаецца патрымліваць высокі ўзровень арганізаванасьці сваёй працы і эфэктыўна кіраваць працэсамі ліцэнзіяваньня музыкі і аўтарскіх правоў. Пашыраецца партнэрства з музычнымі служэньнямі за межамі Злучаных Штатаў.
Адной з частак служэньня Bethel Music зьяўляецца школа для лідараў праслаўленьня і хрысьціянскіх музыкаў WorshipU. Не сакрэт, што цэрквам нярэдка бракуе прафэсыйных музыкаў, і такая школа зьяўляецца прыкладам вырашэньня гэтай праблемы. Мэтай навучаньня зьяўляецца духоўнае умацаваньне і фармаваньне правільных якасьцяў лідара праслаўленьня, а таксама разьвіцьцё прафэсыйных навыкаў.
Магчыма, вы зьвярнулі ўвагу на сілуэт аленя на лагатыпе Bethel Music. Вось што пра гэта кажуць удзельнікі служэньня:
«Па сутнасьці, Bethel Music — гэта сям’я, суполка творчых людзей. Мы любім наш маленькі гарадок у Паўночнай Каліфорніі, а таксама горы і неба, якія нас атачаюць. Урывак з пасланьня да Рымлянаў (1.20) стаў якарам для нашай каманды, верш, які нагадвае нам, як усё стварэньне адлюстроўвае славу самога Творцы. Мы знаходзім суцяшэньне ва ўсведамленьні таго, што наш любячы Бог адкрывае Сябе праз натуральныя рэчы. Праз прыгажосьць стварэньня мы можам бачыць адбіткі рук Божых.
Некаторыя са сьпеваў Bethel Music перакладзеныя на беларускую мову:
